15:11 / 17.12.2020
9902
Хива шаҳрига янги ҳоким тайинланди

Халқ депутатлари Хива шаҳар кенгашининг навбатдан ташқари сессияси ўтказилди. Бу ҳақда Хоразм вилояти ҳокимлиги хабар бермоқда.

Фото: Хоразм вилояти ҳокимлиги

Сессия давомида ташкилий масала кўрилди. Темур Исмоилович Давлетов Хива шаҳар ҳокими этиб тайинланди.

Темур Давлетов Хоразм вилояти ҳокимининг туризм ва спортни ривожлантириш масалалари бўйича ўринбосари лавозимида ишлаган.

Эслатиб ўтамиз, Собир Жуманиёзов шу вақтга қадар Хива шаҳар ҳокими лавозимида ишлаб келаётганди. У қайси ишга ўтказилгани ҳозирча номаълум.

Бугун, 17 декабр куни, Хоразм вилоятининг Урганч шаҳри ва Боғот туманида ҳоким ўзгарди. Ойбек Холбоев Урганч шаҳар ҳокими этиб тайинланган бўлса, Шавкат Яхшибоев Боғот туман ҳокими вазифасини бажарувчи лавозимида иш бошлади.

Top