2018 yil dekabridan buyon shaharga hokimlik qilib kelgan Shuhrat Abdullayev lavozimdan ozod etilib, uning o‘rnini shu vaqtgacha Bog‘ot tumaniga rahbarlik qilib kelgan Oybek Xolboyev egalladi.
Xalq deputatlari Urganch shahar kengashining navbatdan tashqari sessiyasida tashkiliy masala ko‘rilib, shaharga yangi hokim tayinlandi.
Viloyat hokimligi matbuot xizmati xabar berishicha, Oybek Madaminovich Xolboyev Urganch shahar hokimi etib tayinlandi. U bungacha Bog‘ot tumani hokimi lavozimida ishlab kelayotgandi.
U bu lavozimda Urganch shahrini 2018 yil dekabridan buyon boshqarib kelgan Shuhrat Abdullayevning o‘rnini egalladi.
Bundan avvalroq Shavkat Yaxshiboyev Bog‘ot tuman hokimi vazifasini bajaruvchi etib tayinlangani xabar qilingandi.
