Kitobda yolğiz öğil piçoqlandi va bir közidan ajraldi: zarar qoplanmadi, iş esa «bosti-bosti» qilindi
|21:01 / 30.01.202142 58014 min
Qaşqadaryo viloyatining Kitob tumanida istiqomat qilayotgan onaning yolğiz öğlini xolavaççasi mayib qildi. Ona biz bilan suhbatda tergovni köngildagidek olib bormagan va ularni çuv tuşirgan içki işlar xodimlaridan nafratlanişini bayon qildi.
Keling, bir boşidan hikoya qilamiz. Xadiça Husinova Qaşqadaryo viloyati Kitob tumani «Ali Quşçi» mahallasida ijarada istiqomat qiladi. Şahzod va onasining öz uylari yöq. Xadiça Husinovaning katta opasining öğlining uyida ijarada turişardi.
U turmuşidan ajralgan, ikki nafar farzandini yolğiz özi katta qilgan. Ayni paytda tönğiç farzandi — qizini turmuşga uzatgan.
Xadiça opaning hali 17 yoşga kirmagan, yagona öğli Şahzod Usmonov bugungi hikoyamiz qahramonidir.
2020 yil 2 mart kuni oilada maş'um voqea röy beradi. Şahzodni xolavaççasi (Xadiça opaning opasi Zulayho Husanovaning öğli) 24 yoşli Dadaxon Hasanov muştlari bilan urib, çap közi soqqasini yorib yuboradi. Kamiga uning badaniga 2 marta piçoq bilan urib, oğir tan jarohati yetkazadi. Hozir Şahzodning çap közi körmaydi.
«Öşa kuni bozorda 1,5 million sömga qöy sotgan edim. Zulayho xolam nevaralik bölgani uçun ularning uyida yiğin taşkil etildi. Dadaxon bölam bizni çaqirib keldi. Onam kiyinib ketdi, ortidan men uydan 500 ming söm pul olib bozorlik qiliş uçun dökonga Dadaxon bilan kirdim va uylariga yetib bordik».
Maş'um voqea yuz bergan kuni Şahzod onasi bilan Dadaxonlarnikida mehmon bölgaç, oşni yeb darhol uyiga qaytadi. Uni xolasi va Dadaxon kuzatib qöyadi. Serial körayotgan onasi esa Dadaxonlarnikida qoladi.
Şahzodning hikoya qilib berişiça, u uyga qaytib kelgaç, biroz ötib Dadaxon eşikni taqillatib kirib keladi.
«Dadaxon Varganzaga bormoqçiman, yur seni ham olib ketay dedi. Men yöq dedim. Söng u «unda biroz şu yerda ötirib turay», dedi. Birga televizor körib ötirdik. Bozorda qöy sotganimni söradi. Suhbat asnosida kutilmaganda çap közimga muşti bilan qattiq urdi. Men yiqilib qolganimdan söng ustimga çiqib yana 3-4 marta muşt tuşirdi. Közim tirsillab yorildi va qon otilib oqa boşladi. Men jon holatda uydan çiqib, darvozaxona tomon yönaldim. Ortimdan Dadaxon yetib borib, böynimdan böğib, çöntagidan piçoq çiqarib ikki marta kökragimga sançdi. Yana böğa boşladi. Uning çangalidan bir iloj qilib qutulib, xolamlarnikiga bordim. Darvozani taqillatib, öşa yerda huşimdan ketibman», — deb hikoya qiladi Şahzod Usmonov.
Mavzuga oid
Xonadan çiqişdagi qon doğlari
Şahzodning onasi Xadiça opa farzandiga yetkazilgan jismoniy zarardan özini qöyarga joy topa olmaydi: «U soppa-soğ edi, tengdoşlari bilan Şahrisabzdagi nodavlat Temurbeklar maktabida tahsil olayotgan edi. Harbiy libos kiygan kuni bu dunyoda mendan baxtli inson yöq edi. Öğlim öqib katta odam bölişini istagan edim», — deb yiğlaydi onaizor.
Bugungi kunga kelib, xolavaççasining soğliğiga jiddiy zarar yetkazgan, Jinoyat kodeksi 111-moddasi(ehtiyotsizlik orqasida badanga örtaça oğir yoki oğir şikast yetkaziş) 2-qismi bilan ayblangan Dadaxon Hasanov javobgarlikka tortilmadi va zararni qoplaş uçun jabrlangan tarafga bir söm ham bergani yöq.
Xadiça opa buni tuman içki işlar bölimi xodimlari, jumladan, tergovçi podpolkovnik Hulkar Ne'matova hamda mahalla profilaktika inspektori Feruz Töxtamişevning yolğonlariga çuv tuşgani bilan izohlaydi.
«Içki işlar xodimlari nima deyişsa, ular sari bordim. Hammasiga köndim. Çunki umrimda militsiyaga işim tuşmagan. Ular yordam beradi, deb öylagan edim. Qolaversa, Dadaxon ham begona emas, opamning öğli. Lekin ular meni aldab, çuv tuşirişdi. Jabr körib, sudma-sud idorama-idora sarson bölganimiz qoldi, xolos», — deb tuşuntirdi X.Husinova.
Ma'lum bölişiça, tergov jarayonida içki işlar organi xodimlarining xatti-harakatlari avvaldan qarindoş oilalarni yaraştirib, işni bosti-bosti qilişga qaratilgan.
Jumladan, 2020 yil 30 mart kuni xususiy amaliyot bilan şuğullanuvçi notarius Çoriyev Qahramon Töxtamişeviç huzurida Dadaxon Hasanovning onasi Zulayho Husanova singlisi Xadiça Husinovadan 10 million söm qarz olgandek, qarz şartnomasi tuziladi.
Öğli birovni urib mayib qilgani uçun tovon puli tölaşi kerak bölgan kişiga jabr körgan tomon qarz berişi soğlom aqlga siğmaydi, albatta. Bu — oddiy qişloq ayollarining xayoliga kelmaydigan yuridik protsedura. Buni kim örgatganini söradik.
Xadiça opaning hikoya qilişiça, Kitob tuman IIO FMB Tergov bölimi tergovçisi, podpolkovnik Hulkar Ne'matova, «Ali Quşçi» mahallasi profilaktika inspektori, leytenant Feruz Töxtamişev va yana bir içki işlar xodimi Surum mahallasida joylaşgan notarial idoraga 10 million söm olib borişadi va qarz şartnomasi imzolanadi. Albatta, protsedura ötib olgaç, tomonlarga pul berilmaydi. U şunçaki, notariusning közini böyaş uçun. Opa singildan 10 million söm qarz qilinadi.
Boz ustiga, Zulayxo Husanova öğliga sudlanmasligi uçun, zararlarni qoplaş maqsadida 8 sotix hujjatsiz yer maydonini uy-joyi yöq singlisiga rasmiylaştirib beriş uçun ham tilxat beradi. Uşbu tilxatga «uçastkovoy» Feruz Töxtamişev va tergovçi Hulkar Ne'matova (Niymatova) ham imzo çekkan.
2020 yil 7 may kuni Jinoyat işlari böyiça Şahrisabz tuman sudining ajrimiga köra, tomonlar yaraşganligi tufayli jinoyat işi tugatiladi.
Xadiça Husinovaning aytişiça, sud majlisiga Hulkar Ne'matova yana 10 million söm naqd pul olib keladi va zöravonlik qilgan tomon zararni qopladi, deya sudyaga körsatiladi.
Sud ötib, işlar «bosti-bosti» bölgaç, Xadiça opaga heç narsa berilmaydi. Qölida opasi imzolab bergan 10 million sömlik qarz şartnomasi va tilxat turibdi, xolos. Ikkita varaq.
Uşbu maşmaşada eng qiziği Kitob tuman içki işlar bölimi tergovçilari tomonidan jinoyat işida voqeaning qay tarzda röy bergani bayon qilinganidir.
Içki işlar organi tergovçilarining versiyasiga köra, Dadaxon Hasanov öşa kuni Şahzod onasi bilan istiqomat qiladigan uyga keladi. Şahzod uyda piçoq bilan olma arçib ötirgan böladi. Dadaxon darvozani qattiq tepadi. Şahzod qölida piçoq bilan yugurib çiqadi. Darvoza oçilib ketib, uning qulf iladigan joyi Şahzodning çap köziga kirib ketadi. Şahzodning qölidagi piçoq qölidan tuşib ketadi va Şahzod öşa piçoqning ustiga yiqilib tuşadi.
Ikki marta! Çunki piçoq tanaga ikki marta kirgan. Bu maşhur anekdotni eslatib yubormayaptimi?
Holbuki, Şahzod Usmonovning ekspertiza çoğidagi dastlabki körsatmalari va bizga sözlab bergan tafsilotlari farqlanmayapti. Boz ustiga u voyaga yetmagan hisoblanadi. Tergov materiallarida uning nomidan yozişgan va asosan işonçli vakili — onasidan söralgan.
Iş bilan tanişganimizda heç joyda hozirgina öz uyidan mehmonni kuzatib yuborgan odam nima maqsadda yana uning uyiga kelganiga aniqlik kiritilmagan.
Voqea sodir bölganda Xadiça Husinova Dadaxonlarnikida mehmonda bölgan. Dadaxon qöllari qon holatda kirib kelib onasiga «Pasportimni topib bering, men odam öldirdim», deb baqirgan. Ya'ni, qoçmoqçi bölgan. Hali Xadiça opa öz öğli piçoqlanganini bilmasdi...
Endi bir kun oldin bozorda 1,5 million sömga qöy sotganini yodda saqlaymiz, Dadaxon Hasanov oldin ham öğrilik va boşqa jinoyatlarda gumonlanib, tergovga jalb qilinganini, içki işlar xodimlari, mahalla-köyning «opa-singilsizlar, zararlar qoplanadi, yaxşi emas sudlaşiş», deb tuşuntirişlarini bunga qöşing. Yaxlit manzara hosil böladi.
Şahzod Usmonov esa bizga içki işlar xodimlari qattiq bosim qilganini, agar Dadaxon qamalib ketsa, qaytib çiqib kelib öç olişi mumkinligini ham aytganini ta'kidlab ötdi.
Biz Şahzodga yetkazilgan jarohat borasida öşa kuni uni operatsiya qilgan vraç, Samarqand viloyat ixtisoslaştirilgan köz kasalliklari şifoxonasi mikroxirurgiya bölimi boşliği Otabek Bahromovdan intervyu oldik.
Vraçning aytişiça, Şahzodga oğir tan jarohati yetkazilgan, köz soqqasi köriş qobiliyati tiklanmaydigan tarzda jarohatlangan. Şifoxonada unga barça yordam körsatilgan. Kasallik tarixi Kitob tuman IIB xodimlariga topşirilgan.
Biz mazkur masala böyiça Kitob tuman içki işlar bölimida bölib, podpolkovnik Hulkar Ne'matovaga savollar bilan murojaat qildik. U intervyu davomida ovoz yozib olinişiga qarşilik qildi: «boşliq ruxsat bermadi», deb.
Nima ham derdik, aynan mana şunday «boşliq»lar tergovning videoyozuv yordamida ötkazilişiga ham tiş-tirnoği bilan qarşilik qilib kelişadi. Axir yaşiradigan heç narsasi bölmasa, qilgan hamma işlari töğri bölsa – nega sözlaşuv yozib olinişiga qarşi böldi? Bunisi endi özlarining vijdoniga havola.
Taxminimizça, Hulkar Ne'matova hozir siz öqib turgan, u bizga aytgan gaplarni keyinçalik «men aytmaganman», deya rad etişi uçun şunday yöl tutdi, deb tuşunib qöya qoldik.
Biz nima maqsadda kelganimizni eşitgan Hulkar Ne'matova «Jinoyat işi tomonlar yaraşgani tufayli tugatilgani bois» endi jabrlanuvçilarning şikoyat qiliş huquqi yöqligini bepisandlarça e'lon qildi. Işni «pişirib» bölganmiz, endi qöllaringdan heç narsa kelmaydi, degandek.
Biroq, jabrlanuvçi tomonning kassatsiya şikoyati viloyat sudida qanoatlantirilgani, jinoyat işi notöğri malakalangani sababli qayta köriş uçun jinoyat işlari böyiça Şahrisabz şahar sudiga qaytarilganini bizdan eşitib, tergovçining rangi oqarib ketdi, kalovlanib qoldi. Öşa kuni tuman böylab elektr öçgani, xona qoronği bölganiga qaramasdan bu bilindi.
Keyingi taktikasiga köra, tergovçi Ne'matova jabrlanuvçi bolaning onasi murdaşöy ekanligini peş qildi. Albatta, bizni irgantiriş uçun. Lekin biz bu ayol bilan uçraşiş uçun ikki marta Kitobga bordik va har ikki safar ham ayol janozadan ölik yuvib kelib, bizga uçraşgan edi.
Nihoyat, Hulkar Ne'matova notarius va sudga borganini ham, 10 million söm naqd pul olib borganini ham rad etdi.
(Buni ham, 30 mart va 7 may kunlari Hulkar Ne'matova va Feruz Töxtamişev öşa hududda bölganligi, notarius va Şahrisabz tumanidagi sudyalarga qönğiroq qilganini mobil telefon raqamini pelengatsiya qiliş yöli bilan aniqlaş mumkin. Bizda bunday vakolat yöq, bunisi endi IIV tomonidan amalga oşiriladi, agar ularda haqiqatni röyobga çiqariş istagi bölsa!)
Albatta, jinoyat jazosiz qolmasligi kerak. Jinoyat işlari böyiça Qaşqadaryo viloyat sudi Xadiça Husinovaning kassatsiya şikoyatini qanoatlantirdi va işni örganişni Jinoyat işlari böyiça Şahrisabz şahar sudiga qaytardi. Sud işni qayta tergovga oşirgan. Ayni paytda Kitob tuman prokurori işni qayta tergovga yönaltiradi.
Umid qilamizki, tergovni olib boriş boşqa tumanga beriladi. Kitoblik tergovçilarning mahorati oqibatini barçamiz körib turibmiz — jabrlanuvçining onasi ularni körsa nafratlanadi.
Çunki, jiyani Dadaxonni bozorda uçratib qolgan Xadiça Husinova undan haqorat va mazax eşitganini aytib berdi: «Naçalnik melisa va tergovçilar mening tarafimni olişdi, senlar nima qiloldinglar?» degan. Darhaqiqat, jinoyatçini suvdan quruq olib çiqib ketgan içki işlar vakillaridan har qança nafratlansa arziydi. Onaga bu borada heç qanday e'tiroz yöq.
Kun.uz voqealar rivojini, bu işda aybdorlarga qanday çoralar körilişini sinçkovlik bilan kuzatişda davom etadi.
Biroq, uşbu voqeada barçamizni sergak torttirişi kerak bölgan yana bir muhim jihat bor: Ona va bola işsiz va uysiz. Salomatligiga putur yetgaç, Şahzod ham harbiy maktabdagi öqişini taşladi. U hali yana davolaniş kurslarini ötaşi kerak. Oila noçor. Qarzga botgan. Aldangan.
Xadiça Husinova öğlini davolatiş uçun yiğib qöygan barça mablağlarini sarflab bölib, qarz ham olişga majbur bölganini aytib ötdi.
Musibat ustiga musibat ekan, uşbu material tayyorlanayotgan asnoda Xadiça opa çaqaloq nevarasidan ham judo böldi.
Biz uşbu oila uçun xayriya aksiyasini ötkazib, öğilni davolatiş, şuningdek, ona-bola uçun çoğroqqina uy xarid qilişni maqsad qildik. Ular şu paytgaça istiqomat qilib kelayotgan ijara uyining egasi bölgan yigit — jiyani uylandi, qolaversa, endi ular maş'um voqea röy bergan xonadonda turişni ham istaşmayapti. Albatta, Kun.uz tahririyati ham bunda öz uluşini qöşadi.
Qarindoşlarning sitamidan, içki işlar organlarining aldovidan jabr körgan ona va bolaga kim yordam qölini çözişni istasa, Xadiça opaning nomiga oçilgan plastik kartoçkalarga baholi qudrat, himmatlariga yaraşa mablağlarini ötkazib berişi mumkin.
Ona barça yaxşilarni uzoqdan uzoq duo qilib qoldi.
