“Islom buxarskiy”, kafedagi “razbor” va $3 ming – Çirçiqda jinoyatni bosdi-bosdi qilmoqçi bölgan IIB xodimlari qamaldi

Sud hujjatiga köra, sudlanuvçi 35 yoşli N.A. Çirçiq şahar IIB JXX HPB boşliği, 31 yoşli D.R. esa profilaktika inspektori lavozimida işlagan.

Ş.M.ning kaltaklanişi bilan boğliq holat profilaktika inspektori D.R.ning iş yurituvida bölgan. N.A. va D.R. holatga aloqador fuqarolar bilan sözlaşib, moddiy naf evaziga işni ularning foydasiga hal berişni közlagan. 

Ular arizaçi Ş.M.ga fuqarolar U.B., Q.S. va A.R.ga qonuniy çora körib bölmasligini, ular qilgan işlari böyiça hattoki maʼmuriy javobgarlikka tortilmasligini taʼkidlab, daʼvo qilmasligi evaziga pul undirib berişni aytişgan.

Şundan söng ikkinçi tomonga Ş.M. soğliğini tiklaşi, berilgan arizasini qaytarib olişi hamda işni tugatib, ularni qayta bezovta qilmaslik evaziga 3 ming dollar talab qilişgan. 2026-yil 18-fevral kuni kelişilgan puldan 2 700 dollarini olişgan. Şundan 1 700 dollarini özaro taqsimlab olib, ming dollarini Ş.M.ga berişgan. Söngra holat böyiça jinoyat işini qözğatişni rad etiş töğrisida qaror qabul qilişgan.

“Heç bölmaganda 5 sutka ötirib çiqişsin”

Jabrlanuvçi suddagi körsatmasida profilaktika inspektori D.R. uni öz xizmat xonasida “Islom buxarskiy” bilan uçraştirganini maʼlum qilgan.

“Öşa kuni D.R. qönğiroq qilib, oldiga borişimni söradi. Xizmat xonasiga kirganimda u “Islom buxarskiy” bilan ötirgandi. Menga “gaplaşib olinglar”, deb özi xizmat xonasidan çiqib ketdi. “Islom buxarskiy” menga “Ariza yozmay qöyaver, bollar keça xato qilib qöyişdi. Işni yopdi-yopdi qivoraylik, bollarga jabr bölib qolmasin. Qölingga pul beramiz, qançaligini aytsang böldi, bollar bilan özim gaplaşib qöyaman”, deya meni ariza yozmaslikka köndirişga harakat qildi. Unga “Yöq, qonuniy çora körilişi kerak, ular qilgan işi uçun heç bölmaganda 5 sutka ötirib çiqişsin. Mening 3 nafar bolam bor, öşa vaqtda ölib qolganimda nima bölardi?”, dedim. Menga yana turli takliflar qildi. Rad qilib, xizmat xonadan u bilan birga çiqib ketdim.

Şundan söng D.R. meni qayta xizmat xonasiga olib kirdi. “Nima qilmoqçisan, oxirigaça borasanmi?” deb söradi. Unga “Ha, oxirigaça boraman, qonuniy çora körib bering” dedim. U qonuniy çora köra olmayman, deya yaşil rangli kodeks kitobini körsatdi va qaysidir moddani öqib berdi. “Ularga nisbatan biror bir modda yöq, ularga çora körib bölmaydi, ularning qilgan işi jinoyat emas, undan köra senga yetkazilgan zarar uçun pul olib beraman, dorilaringga işlatasan” dedi. Davlat xodimidan eşitganimdan keyin haqiqatdan ham ularning harakati jinoyat emas ekan deb öyladim va pul olib berişiga rozi böldim”, degan Ş.M.

Jazo

Sudda har ikki xodim aybiga iqrorlik bildirmagan. Xususan, profilaktika inspektori Ş.M. va ikkinçi tomon örtasidagi “oldi-berdidan” umuman xabari yöqligini aytgan.

Ammo sud guvohlarning körsatmalari, telefon sözlaşuvlari hamda boşqa dalillar bilan sudlanuvçilarning aybi öz tasdiğini topgan, degan xulosaga kelgan. 

Sud hukmi bilan N.A. va D.R. Jinoyat kodeksining 210-moddasi (pora oliş) 2-qismi “v, g” bandlari, 230-1 -moddasi (dalillarni soxtalaştiriş (qalbakilaştiriş) 2-qismi “a, b” bandlari hamda 241-1 -moddasi (jinoyatni hisobga olişdan qasddan yaşiriş) 2-qismi “b” bandida nazarda tutilgan jinoyatlarni sodir etganlikda aybli deb topilgan. Ularga 3 yil içki işlar tizimida işlaş huquqidan mahrum qilgan holda 6 yildan ozodlikdan mahrum qiliş jazosi tayinlangan. Jazo umumiy tartibli koloniyalarda ötaş belgilangan.

“Islom buxarskiy” va boşqalar qölga olingan

Uşbu jinoyat işiga aloqador şaxslar – “Islom buxarskiy” laqabli I.Saidov va yana 5 kişi DXX hamda IIV Çirçiq şahrida uyuşgan jinoyatçilikka qarşi kuraşiş yönalişida ötkazgan tezkor-qidiruv tadbirida qölga olingan.

Ular Çirçiq şahrida köça yeçimi va bezorilik bilan şuğullangani aytiladi. Hozirda uşbu şaxslarga nisbatan tergov harakatlari davom etmoqda. 

Şuningdek, profilaktika inspektori D.R. ham jinoyatni bosdi-bosdi qilib berişini aytib pul olganda uşlangani xabar qilingandi.