Qoʻshimcha funksionallar
-
Tungi ko‘rinish
Samarqandda Covid-19 infeksiyasiga chalinganlarni davolashga mo‘ljallangan oxirgi markaz yopildi
Samarqand shahrida joylashgan koronavirusga chalingan bemorlarni davolashga mo‘ljallangan oxirgi markaz ham yopildi. Bu haqda viloyat sog‘liqni saqlash boshqarmasi axborot xizmati Kun.uz’ga ma'lum qildi.
Foto: Kun.uz / arxiv
Qayd etilishicha, 5 fevral kuni Samarqandda koronavirus infeksiyasiga chalingan oxirgi bemor sog‘ayib, o‘z uyiga kuzatilgan. Viloyatda «Covid-19» infeksiyasiga chalingan bemor qolmagan. Shu bois, mazkur kasallikka chalingan bemorlarni davolash uchun moslashtirilgan markaz (Xospis) o‘z ishini yakunlagan.
Ta'kidlanishicha, pandemiya boshlangandan buyon hozirga qadar ilk bor viloyatda koronavirusga chalinganlar butunlay sog‘ayib bo‘lgan va birorta bemor qolmagan.
«Viloyat sog‘liqni saqlash boshqarmasi mazkur jarayonlarda fidoyilik ko‘rsatgan barcha tibbiyot xodimlariga o‘z minnatdorchiligini bildiradi», deyiladi xabarda.
Ma'lumot uchun, koronavirusga chalinish holati eng ko‘paygan paytda viloyatda Samarqand shahridagi olimpiya zaxiralarini tayyorlash majmuasida 1080 o‘rinli, Urgut tumanida 500 o‘rinli, Kattaqo‘rg‘on shahrida 200 o‘rinli taqsimlash markazlari tashkil etilgan edi. Noyabr oyining ikkinchi yarmiga kelib Samarqand viloyatida koronavirusga chalinish holati keskin kamaygandan so‘ng avvaliga Urgut va Kattaqo‘rg‘ondagi, so‘ng olimpiya zaxiralarini tayyorlash majmuasidagi taqsimlash markazlari yopilgandi. Mana endi so‘nggi taqsimlash markazi ham yopildi.
Koronavirus O‘zbekistonda
Mavzuga oid
22:08 / 13.12.2025
Andijon va Samarqandda kuchli ta’sir qiluvchi dorilar savdosi bilan shug‘ullangan shaxslar ushlandi
20:22 / 07.12.2025
Nukus va Samarqand YuNESKOning Global ta’lim shaharlari tarmog‘iga qo‘shildi
12:00 / 04.12.2025
Samarqanddan Urgutga poyezd harakatlanmoqda - bu iqtisodiyotga qanday ta’sir qiladi?
14:26 / 29.11.2025