Parlament xabariga ko‘ra, majlisda deputatlar transport vaziri lavozimiga Ilhom Mahkamov nomzodini ko‘rib chiqdilar.
Xalq vakillari tomonidan Ilhom Mahkamov nomzodi ma'qullangani aytiladi.
Hukumatning 2020 yil 30 oktabr kungi 670-son qarori bilan Ilhom Mahkamovga O‘zbekiston transport vaziri vazifasini bajarish yuklatilgandi.
O‘zbekiston transport vaziri lavozimi o‘tgan yilning avgust oyidan beri bo‘sh turgandi.
2020 yil 5 avgust kuni prezidentning tegishli farmoni imzolangan. Unda Elyor G‘aniyev boshqa ishga o‘tishi munosabati bilan lavozimidan ozod etilgani aytilgan.
Elyor G‘aniyev 2020 yilning fevralida Ochilboy Ramatov o‘rniga Transport vaziri bo‘lgandi.
