Qayd etilishicha, 2 mart kuni Samarqand viloyati hokimi Erkinjon Turdimov Turkiya Respublikasining O‘zbekistondagi bosh konsulxonasi rahbari Salih Janerni qabul qilgan. Uchrashuvda ikki qardosh davlatlar o‘rtasidagi do‘stona aloqalar so‘nggi yillarda jadal rivojlanib kelayotgani e'tirof etilgan.
Salih Janer o‘zaro maqbul sohalarda O‘zbekiston-Turkiya muloqotini yanada rivojlantirish uchun tomonlarda ulkan salohiyat va qiziqish mavjudligini qayd etgan.
«Ko‘rib chiqilgan deyarli barcha masalalarda pozitsiyalar o‘xshash. Samarqandda Turkiya bosh konsulxonasining ochilishi ham ikki davlat o‘rtasidagi hamkorlikning yana bir amaliy ifodasi hisoblanadi. Bosh konsulxonaning ish faoliyatida madaniy-gumanitar sohadagi hamkorlikni rivojlantirishga alohida e'tibor beriladi. Yuqori darajadagi mehmondorchilik uchun minnatdorchilik bildiraman», degan Salih Janer.
Turkiyaning Samarqanddagi bosh konsulxonasi rahbari Salih Janer O‘zbekiston va Turkiya o‘rtasidagi strategik sheriklik munosabatlarini yanada mustahkamlash va ko‘p qirrali hamkorlikni rivojlantirish uchun Samarqand shahrida Turkiya Respublikasining bosh konsulxonasi binosi 8 mart kuni ochilishini ma'lum qilgan.
Markaziy Osiyoda yagona: Samarqandda Fransiyaning ilk faxriy konsulligi ochildi
