«Sputnik V» Italiyada ishlab chiqarilishi mumkin

Rossiyaning to‘g‘ridan to‘g‘ri investitsiyalar jamg‘armasi (RFPI) va Shveytsariyaning Adienne Pharma&Biotech kompaniyasi «Sputnik V» vaksinasini Italiyada ishlab chiqarishga kelishib olishdi. Bu haqda jamg‘arma raisi Kirill Dmitriyev Italiyaning Rai 3 kanaliga bergan intervyusida ma'lum qilgan.

«Biz Italiya hukumati bilan muzokaralar olib bormoqdamiz. «Sputnik V»ga xayrixoh bo‘lgan va uni ishlab chiqarishni istagan hududlar ko‘p. Biz preparatni Shveytsariyaning Adienne Pharma&Biotech kompaniyasi bilan birga Italiyada ishlab chiqarishda hamkorlik qilmoqchimiz», degan u.

Dmitriyev ishlab chiqarish mexanizmi Italiyada yangi ish o‘rinlari yaratish va mahsulotni nazorat qilish imkonini berishi mumkinligini qistirib o‘tgan.

«Sputnik V» vaksinasi ishlab chiqarilishi Italiyada iyun oyida boshlanishi va yil oxirigacha ishlab chiqarilgan vaksinalar adadi 700 million dozaga yetishi mumkin.

Jamg‘arma raisining so‘zlariga ko‘ra, mart oxiriga qadar RFPI 10 mamlakatda 20 loyiha haqida e'lon qiladi. Xususan, ayni damda Germaniya va Fransiyada ham ishlab chiqarish imkoniyatlari muhokama qilinyapti.