Farg‘onada profilaktika inspektorlarining shaxsiy avtomobillariga maxcus videoregistratorlar o‘rnatilishi ma'lum qilindi

Farg‘ona viloyati Ichki ishlar boshqarmasi maxsus transport vositalari hamda profilaktika inspektorlarining shaxciy avtomobillari qoidabuzarliklarni avtomatik tarzda aniqlaydigan maxsus videoregistratorlar bilan ta'minlanadi. Shu maqsadda viloyatga 100 ta ana shunday maxcus qurilma olib kelingan.  

Farg‘ona viloyati IIB YHXB boshlig‘i Yunus Marksovning xabar berishicha, Farg‘ona viloyatida endilikda maxsus videofikcatsiya qurilmalari bilan birgalikda viloyat IIB maxsus transport vositalari hamda hududlardagi profilaktika inspektorlarining shaxsiy avtomobillariga avtomatik tarzda qoidabuzarliklarni aniqlovchi maxsus videoregistrator qurilmalari o‘rnatilmoqda. Hozirda viloyat hokimligi ko‘magi bilan 100 dona maxsus videoregistrator qurilmalari viloyatga olib kelingan. Kelgusida ularning sonini 1000 taga yetkazish ko‘zda tutilgan.

Ta'kidlanishicha, avtomatik tarzda ishlovchi qurilmalar yo‘llarda boshqa transport vositalari tomonidan sodir etilgan qoidabuzarliklarni avtomatik ravishda qayd etish bilan birgalikda, mazkur moslama o‘rnatilgan avtomobilning ham sodir etgan qoidabuzarliklarini shunday tarzda qayd etib boradi. Qayd etilgan qoidabuzarliklarni onlayn tarzda davlat yo‘l xavfsizligi xizmatining dyhxx.ejarima.uz saytiga yuboradi.

Mazkur tasvirlar boshqarma xodimlari tomonidan ko‘rib chiqilgach, qoidabuzarlik to‘g‘risida qaror qabul qilinadi.