11:37 / 20.04.2021
1733
Самарқандда пиёдалар йўлакчасидан ўтаётган 9 ёшли қизни машина уриб юборди

Самарқанд вилояти Булунғур туманида пиёдалар йўлакчасидан ўтаётган 9 ёшли қизни машина уриб юборган. Натижада у тан жароҳатлари олиб, туман тиббиёт бирлашмасига қарашли шифохонага ётқизилган. Бу ҳақда вилоят ИИБ ахборот хизмати хабар бермоқда.

Маълум қилинишича, 2021 йил 19 апрель куни соат 12:45ларда давлат аҳамиятидаги 4R-47 автомобиль йўлининг Булунғур тумани «Истиқлол» маҳалла фуқаролар йиғини ҳудудидан ўтган 4-километрида пиёда билан боғлиқ йўл-транспорт ҳодисаси содир бўлган.

Жомбой тумани «Саболоқ» МФЙда яшовчи, 1993 йилда туғилган А.Ж. ўз бошқарувида бўлган «ВАЗ-2106» русумли автомашина билан, Булунғур тумани Мингчинор маҳалласида яшовчи, 2011 йилда туғилган У.М.ни уриб юборган.

Мазкур йўл-транспорт ҳодисаси оқибатида У.М. тан жароҳати олиб, Булунғур тиббиёт бирлашмасига мурожаат қилган.

Қайд этилишича, ҳолат юзасидан Булунғур тумани ИИБ ЙҲХБ томонидан терговга қадар текширув ишлари олиб борилмоқда.

Top