13:13 / 05.05.2021
1950
Йилнинг дастлабки чорагида Тошкент шаҳар судида бекор қилинган суд қарорлари сони кўпайди

4 май куни Тошкент шаҳар суди биносида Тошкент шаҳар суди ва Тошкент шаҳар маъмурий суди томонидан ушбу судларнинг 2021 йилнинг 1-чораги якунларига бағишлаб ўтказилган брифингда ушбу судларда апелляция ва кассация тартибида кўрилган ишлар тўғрисида маълумот берилди.

Хусусан, 2021 йилнинг дастлабки уч ойида шаҳар судида жиноят ишлари бўйича апелляция ва кассация инстанцияларида жами 381 нафар шахсга нисбатан жиноят ишлари кўриб чиқилиб, шундан:

  • 242 нафар (63,5 фоизи) шахсларга нисбатан суд қарорлари ўзгаришсиз қолдирилган;
  • 92 нафар (24,1 фоизи) шахсга нисбатан суд қарорлари ўзгартирилган;
  • 47 нафар (12,3 фоизи) шахсга нисбатан суд қарорлари бекор қилинган.

Бекор қилинган суд қарорлари сони 2020 йилнинг тегишли даврига нисбатан 24тага кўпайган. Ўзгартирилган ва бекор қилинган суд қарорларининг 69 фоизи собиқ судьялар томонидан кўрилган ишларга тўғри келган.

Маъмурий ҳуқуқбузарликка оид ишлар кўрилиши юзасидан шаҳар судининг кассация инстанциясида 560 нафар шахсга нисбатан маъмурий ишлар кўриб чиқилиб, шундан:

  • 235 нафар (41,9 фоизи) шахсларга нисбатан суд қарорлари ўзгаришсиз қолдирилган;
  • 225 нафар (40,1 фоизи) шахсга нисбатан суд қарорлари ўзгартирилган;
  • 100 нафар (17,8 фоизи) шахсга нисбатан суд қарорлари бекор қилинган.

Маъмурий ҳуқуқбузарликка оид ишлар бўйича 2020 йилнинг тегишли даврига нисбатан ўзгартирилган суд қарорлари сони 160тага, бекор қилинган суд қарорлари сони 8тага ошган. Ўзгартирилган ва бекор қилинган суд қарорларининг 66,7 фоизи собиқ судьялар томонидан кўрилган ишларга тўғри келган.

Фуқаролик ишлари бўйича 2021 йил биринчи чорагида шаҳар суди апелляция инстанциясида жами 430та иш апелляция шикоятлари (протестлари) асосида кўрилган бўлиб, шундан:

  • 298тасида (69,3 фоизи) суд қарорлари ўзгаришсиз қолдирилган;
  • 48тасида (11,2 фоизи) суд қарорлари ўзгартирилган;
  • 84тасида (19,5 фоизи) суд қарорлари бекор қилинган.

Иқтисодий ишлар бўйича 1-чоракда шаҳар ҳамда туманлараро иқтисодий суди судьялари томонидан қабул қилинган суд ҳужжатларининг 295таси апелляция инстанциясида қайта кўрилиб, шундан:

  • 208 таси (70,5 фоизи) ўзгаришсиз қолдирилган;
  • 44 таси (15 фоиз) ўзгартирилган;
  • 43 таси (14,5 фоиз) бекор қилинган.

Кассация инстанциясида эса иқтисодий ишлар бўйича 53та суд ҳужжати қайта кўрилиб, шундан:

  • 37таси (70 фоизи) ўзгаришсиз қолдирилган;
  • 8таси (15 фоиз) ўзгартирилган;
  • 8таси (15 фоиз) бекор қилинган.

Тошкент шаҳар маъмурий суди томонидан 2021 йилнинг дастлабки 3 ойи давомида апелляция инстанциясида жами 149та оммавий ҳуқуқий муносабатлардан келиб чиқадиган ишлар кўрилган бўлиб, шундан:

  • 92та иш (61,7 фоизи) ўзгаришсиз қолдирилган;
  • 8та иш (5,4 фоизи) ўзгартирилган;
  • 44та иш (29,5 фоизи) бекор қилинган;
  • 5та иш (3,4 фоизи) юритишдан тугатилган.
Top