10:38 / 11.05.2021
8362
Оҳангаронда ЙТҲ натижасида «Lacetti» ва «Камаз» ёниб кетди

Жорий йилнинг 10 май куни соат 21:46ларда Оҳангарон тумани “Ойбулоқ” МФЙдан ўтувчи А-373 “Тошкент-Ўш”, “Олмалиқ-Тошкент” автомобил йўли кесишмасида йўл-транспорт ҳодисаси юз берди.

Фавқулодда вазиятлар вазирлиги хабарига кўра, “МAN TGS” русумли юк машинаси, “Lacetti” русумли енгил автомобил ва “Камаз” русумли юк машинаси иштирокида йўл-транспорт ҳодисаси содир бўлган.  

ЙТҲ натижасида ёнғин келиб чиқиб, “Lacetti” ва “Камаз” ҳайдовчилари енгил тан жароҳати олган ва уларнинг бошқарувидаги автоуловлар тўлиқ ёнғиндан зарарланган.

Ҳодиса жойига ФВБнинг 4та ёнғин-қутқарув гуруҳлари соат 21:56да етиб борган. Ёнғин соат 21:58да қуршаб олиниб, соат 22:08да тўлиқ бартараф этилган.

Top