O‘zbekiston 200 million litrdan ortiq benzin import qildi

Joriy yilning dastlabki 4 oyi davomida O‘zbekistonga import qilingan benzinning 90 foizdan ortig‘i Rossiya va Turkmanistondan olib kirilgan.

2021 yilning yanvar–aprel oylarida O‘zbekistonga qiymati 66,4 mln dollarga teng bo‘lgan 207,5 mln litr avtomobil benzini import qilingan. Bu haqda Statqo‘m xabar bermoqda.

O‘tgan 4 oy davomida O‘zbekiston benzin import qilgan asosiy davlatlar:

• Rossiya – 39 mln,
• Turkmaniston – 22,5 mln, 
• Qozog‘iston – 4,6 mln AQSh dollari.

Xorijdan avtomobil benzini import qilgan hududlar:

• Toshkent shahri – 46,7 mln,
• Farg‘ona viloyati – 8,7 mln,
• Buxoro viloyati – 4,7 mln,
• Samarqand viloyati – 2,2 mln,
• Sirdaryo viloyati – 1,8 mln,
• Namangan viloyati – 1,3 mln,
• Toshkent viloyati – 424 ming,
• Xorazm viloyati – 293,6 ming,
• Qoraqalpog‘iston R. – 133,9 ming,
• Qashqadaryo viloyati – 69 ming AQSh dollari.

Shuningdek, 2021 yilning yanvar–mart oylarida O‘zbekistonda 291,3 ming tonna avtomobil benzini ishlab chiqarilgan. Bu ko‘rsatkich 2020 yilning yanvar–dekabr oylarida 1 million tonnani tashkil etgan.

Avvalroq, birja savdolarida benzin narxi oshgani ma'lum qilingandi.