11:32 / 16.05.2021
19675
Исроил ҲАМАСнинг ҳарбий етакчиси уйига зарба берди

Исроил 2017 йилдан бери ҲАМАС ҳаракатининг Ғазо секторидаги сиёсий ва ҳарбий қанотига етакчилик қилиб келаётган Яҳё Синвар уйига зарба берди. Бироқ зарба вақтида Синвар уйида бўлгани ёки йўқлиги номаълум.

Маълумотларга кўра, зарба оқибатида уй тўлиқ вайрон бўлган.

Таъкидланишича, Исроил армияси Ғазо секторида ҲАМАС етакчилари, ҳарбий қурилмалар сақланаётган ва Исроил ўққа тутилаётган объектларни нишонга олмоқда. 

Жумладан, 15 май куни Исроил ҳарбий авиацияси ҲАМАС сиёсий бюроси раҳбари ўринбосари Ҳалил ал-Ҳай уйини йўқ қилган, 13 май куни эса ҲАМАС сиёсий бюроси раҳбари Исмоил Ҳания уйига зарба берган. Ҳания зарба вақтида уйида бўлмаган.

Мавзу
Исроил ва Фаластин можароси
Яқин Шарқ май ойи ўрталарида Фаластин-Исроил можаросининг 2014 йилдан кейинги энг авж палласини бошдан кечирмоқда.
Барчаси
Top