14:41 / 18.05.2021
8145
Самарқандда 13 минг доллар эвазига фуқарога ер олиб бермоқчи бўлган мансабдор шахс ва фермер ушланди

Самарқанд вилояти Паст Дарғом туманида 13 000 АҚШ доллари эвазига фуқарога ер олиб бермоқчи бўлган мансабдор ва фермер қўлга олинган. Бу ҳақда вилоят ИИБ ахборот хизмати хабар бермоқда.

Фото: ИИБ ахборот хизмати

Маълум қилинишича, 2021 йил 17 май куни Самарқанд вилояти ИИБ ЖҚБ Коррупция ва иқтисодий жиноятларга қарши курашиш бўлими, ДХХ нинг вилоят бошқармаси ҳамда вилоят прокуратураси ходимлари ҳамкорлигида Паст Дарғом туманида тезкор тадбир ўтказилган.

Тадбирда Паст Дарғом тумани Давлат солиқ инспектори Б.Ж. ва фермер ҳўжалиги раиси Х.Б. павлония кўчатини экиш ниятида юрган фуқародан туман ҳудудидан 15 гектар ер майдонини расмийлаштириб беришни ваъда қилиб, эвазига фирибгарлик йўли билан 13 000 доллар олаётганда ушланган.

Қайд этилишича, мазкур ҳолат юзасидан Жиноят кодексининг тегишли моддалари билан жиноят иши қўзғатилиб тергов ҳаракатлари олиб борилмоқда.

Top