Toshkentda ayrim ko‘chalar vaqtinchalik yopiladi

Toshkent shahrida yoshlar uchun “Toshkentda besh tashabbus” tadbirlari o‘tkaziladi. Bu haqda poytaxt IIBB xabar berdi.

Shu munosabat bilan, joriy yilning 21 may kunidan 25 may kuniga qadar soat 06:00dan 00:00gacha quyidagi ko‘chalarda avtotransport vositalarining harakati cheklanadi: 

• Buyuk Turon ko‘chasining A.Navoiy va Matbuotchilar ko‘chalari oralig‘idagi qismi;
• Zarafshon ko‘chasining A.Navoiy va Matbuotchilar ko‘chalari oralig‘idagi qismi;
• Istiqlol ko‘chasining Buyuk Turon ko‘chasi va Amir Temur shohko‘chasi oralig‘idagi qismi;
• Mustaqillik shohko‘chasining Zarafshon ko‘chasi va Amir Temur xiyoboni oralig‘idagi qismi.

Keltirilgan noqulayliklar uchun uzr so‘ralgan.