Bugun O‘zbekiston bo‘yicha havo harorati yanada ko‘tarilishi kutilmoqda 

Eron hududlaridan issiq havo kirib kelishining kuchayishi hisobiga, bugun kunduz kuni O‘zbekiston bo‘yicha issiq ko‘tarilishi kutilmoqda. Ba'zi joylarda shamol changli bo‘ron bilan 17-22 m/s gacha kuchayishi mumkin. Havo harorati 38-43 daraja issiq, janubda va cho‘l hududlarida ba'zi joylarda 44-46 daraja issiq bo‘ladi.

Poytaxtda havo biroz bulutli bo‘ladi, vaqti-vaqti bilan o‘zgarib turadi. Shamol 5-10 m/s tezlikda esadi. Havo harorati 39-41 daraja issiqqacha ko‘tariladi.

Respublikaning tog‘oldi va tog‘li hududlarida bulutli ob-havo bo‘ladi, yog‘ingarchilik kutilmaydi. Shamol 7-12 m/s tezlikda esadi, ba'zi joylarda 17-22 m/s gacha kuchayishi mumkin. Havo harorati 25-30 daraja issiq bo‘ladi.