O‘zbekistonlik taniqli diniy ulamo Yorqinjon Fozilov avtohalokat sabab vafot etdi. Qo‘qon shahrida tug‘ilgan Yorqinjon domla ikki hafta avval Dang‘ara tumanidagi «Said Ahmadxon hoji» jome masjidiga imom noibi etib tayinlangan edi.
O‘zbekistonlik imom o‘tirgan mashina Qirg‘izistonning Botken viloyatida avtohalokatga uchragan. Mashinada bo‘lgan domla va haydovchi vafot etgan. Yana ikki yo‘lovchining ahvoli og‘irligi aytilmoqda.
Ma'lum bo‘lishicha, janoza bugun shom namozidan keyin Qo‘qon shahridagi Madrasai Mir masjidida bo‘lib o‘tadi.
