Hazrat Ali ziyoratgohida boshlangan uchrashuv Shohimardonning janubiy tarafida davom ettirildi, dengiz sathidan 3 000 metr balandlikda, tog‘lar bag‘rida joylashgan Qurbon ko‘liga o‘tuvchi osma dor yo‘lini qayta ochish marosimi bo‘lib o‘tdi.
Tadbir so‘ngida o‘zbek va qirg‘iz xalqlari san'atkorlari ishtirokidagi konsert namoyish qilindi.
Shohimardon — O‘zbekistonning Qirg‘iziston hududida joylashgan eksklavi. U Farg‘ona viloyati, Farg‘ona tumaniga qaraydi. Qishloq aholisi 6500 kishidan ziyodroq.
Shohimardonning to‘rt tomoni ham tog‘lardan iborat. Hududidan Oqsuv va Ko‘ksuv soylari oqib o‘tadi. Bu soylar Shohimardon qishlog‘i markazida birlashib, Oqsuv nomi bilan Qirg‘iziston hududi orqali Vodil qishlog‘iga yetib, Marg‘ilonsoy nomi bilan Marg‘ilon shahri va undan keyingi qishloqlargacha yetib boradi.
