Украина май охирларида Беларусга ўз ҳаво маконидан фойдаланишни тақиқлаганди.

Беларусь президенти Александр Лукашенко Минск Украинадан келадиган самолётларни Беларусь ҳудудига киритмаслигини маълум қилди. Бу ҳақда «Пул Первого» Telegram-канали хабар берди.

«Украина бизга парвозни ёпди, биз ҳам Украинада самолётларни қабул қилмаймиз», — деди Лукашенко.

Украина май охирларида Беларусга ўз ҳаво маконидан фойдаланишни тақиқлаганди. Бунга Минскнинг 23 май куни Ryanair авиакомпанияси самолётини мажбуран қўндириши сабаб бўлганди. 

Самолётда Беларусда экстремистик деб топилган Nexta Telegram-канали асосчиси Роман Протасевич бўлган. Самолёт Минск аэропортига қўндирилганидан сўнг Протасевич қўлга олинган.