18:44 / 21.06.2021
22082
Мин Аунг Ҳлаинг Москвага келди

Россия президенти матбуот котиби Дмитрий Песковнинг маълум қилишича, Мин Аунг Ҳлаингнинг Владимир Путин билан учрашиши кўзда тутилмаган.

Фото: Global Look Press

Мьянма ҳукуматини бошқараётган ҳарбийлар етакчиси Мин Аунг Ҳлаинг Москвага келди. Бу ҳақда «Интерфакс» ўз манбасига таяниб хабар берди.

Манбанинг сўзларига кўра, уни аэропортда Россия мудофаа вазири ўринбосари Александр Фомин кутиб олган.

Аввалроқ Мин Аунг Ҳлаинг Москвадаги халқаро хавфсизлик бўйича анжуманда қатнашишни режалаштиргани айтилганди.

Россия президенти матбуот котиби Дмитрий Песковнинг маълум қилишича, Мин Аунг Ҳлаингнинг Владимир Путин билан учрашиши кўзда тутилмаган.

Мьянмада 1 февралда ҳарбий тўнтариш содир бўлди. Қуролли кучлар бош қўмондони Мин Аунг Ҳлаинг қонунчилик, ижроия ва суд ҳокимиятларини ўз қўлига олди.

Top