Termiz shahrida transformator yonib ketdi

Termiz shahridagi transformatorlarning birida yong‘in sodir bo‘lgan. Bu haqda Favqulodda vaziyatlar vazirligi xabar bermoqda.

Ma'lum qilinishicha, bugun, 28 iyun kuni soat 12:03da Termiz shahar «Tuproqqo‘rg‘on» MFY, Denov ko‘chasida joylashgan elektr podstansiya hududidagi transformatorlarning birida yong‘in sodir bo‘lgan.

Olingan xabar bo‘yicha soat 12:08da voqea joyiga Termiz shahar Favqulodda vaziyatlar bo‘limining 2ta yong‘in-qutqaruv bo‘linmasi yetib borgan. Yong‘in soat 12:10da o‘rab olinib, 12:18da to‘liq o‘chirilgan.

Qayd etilishicha, mazkur hodisada hech kim jabrlanmagan va halok bo‘lmagan. Hozirda yong‘in sabablari va u keltirilgan zarar miqdori aniqlanmoqda.