Toshkentda kafe binosida yong‘in chiqdi

Bugun, 25 iyun kuni soat 14:20da Toshkent shahar Yashnobod tumani S.Mashhadiy ko‘chasida joylashgan “Peggy ‘ s Bar & Grill” MChJ binosi va unga tutash bo‘lgan uyda yong‘in sodir bo‘layotganligi to‘g‘risida Toshkent shahar Favqulodda vaziyatlar boshqarmasiga xabar kelib tushdi.

Mazkur xabar asosida voqea joyiga 4ta yong‘in-qutqaruv ekipaji soat 14:27da yetib borgan. Yong‘in soat 14:48da o‘rab olinib, soat 15:03da batamom o‘chirildi.

Yong‘indan “Peggy ‘ s Bar & Grill” MChJ binosining 120 kv.m maydonida ichki va tom qismi hamda unga tutash bo‘lgan uyning 30 kv.m maydonida tom qismi yonib zararlangan.

Qutqaruvchilarning tezkor harakatlari natijasida 90 kv.m maydon saqlab qolingan.

Hodisa oqibatida jabrlangan va halok bo‘lganlar yo‘q. Hozirda yong‘in sababi va keltirilgan moddiy zarar miqdori aniqlanmoqda.

V Tashkente sgorelo kafe - video
➥ Podrobneye: https://t.co/QyKIZVMZP1 pic.twitter.com/hAEbPmxbwW

— Kun.uzru (@Kun_uzRu) June 25, 2021

Mazkur holat yuzasidan dastlabki tergovoldi surishtiruv ishlari olib borilmoqda.