Qoʻshimcha funksionallar
-
Tungi ko‘rinish
Pokiston bosh vaziri Toshkentga keldi
O‘zbekiston prezidenti Shavkat Mirziyoyevning taklifiga binoan Pokiston bosh vaziri Imron Xon bugun ikki kunlik rasmiy tashrif bilan Toshkentga keldi.
Foto: Dunyo AA
Islom Karimov nomidagi Toshkent xalqaro aeroportida oliy martabali mehmonni O‘zbekiston bosh vaziri Abdulla Aripov va boshqa rasmiylar kutib oldi.
Ko‘ksaroy qarorgohida Pokiston bosh vaziri sharafiga rasmiy qabul marosimi tashkillashtirildi.
Kun.uz muxbirining xabar berishicha, dastlab an'anaga ko‘ra davlatlar madhiyalari tinglandi. Shundan so‘ng tanishtiruv marosimi o‘tkazildi va davlat rahbarlari yakkama-yakka muzokaralarga yo‘l oldilar. Kun davomida kengaytirilgan tartibda yig‘ilish va matbuot anjumani ham o‘tkazilishi ko‘zda tutilgan.
Tashrif dasturiga muvofiq, Toshkentda oliy darajadagi O‘zbekiston-Pokiston muzokaralari bo‘lib o‘tadi. Unda ikki tomonlama hamkorlikning bugungi holati va rivojlanish istiqbollarini muhokama qilish rejalashtirilgan.
Pokiston bosh vaziri 16 iyul kuni “Markaziy va Janubiy Osiyo: mintaqaviy o‘zaro bog‘liqlik. Tahdidlar va imkoniyatlar” mavzusidagi xalqaro konferensiya ishida ishtirok etadi.
Toshkent konferensiyasi
Mavzuga oid
12:34 / 25.11.2025
Pokiston kuchlari Afg‘onistondagi aholi uyini bombalashi oqibatida 10 kishi vafot etdi
14:48 / 22.11.2025
Pokiston hukumati O‘zbekiston bilan iqtisodiy kelishuvlar bo‘yicha maxsus vakil tayinladi
12:06 / 12.11.2025
Islomobodda sud binosi yonida portlash: 12 kishi halok bo‘ldi, o‘nlab odam yaralandi
15:18 / 05.11.2025