Traktor ishlab chiqarish hajmi o‘tgan yilga nisbatan 72,5 foizga kamaydi

6 oyda 173 dona traktor va 383 dona kultivator ishlab chiqarilgan. Bu haqda Davlat statistika qo‘mitasi ma'lum qildi.

Qo‘mita xabariga ko‘ra, qishloq xo‘jaligi texnikasi ishlab chiqarish sanoatida 2021 yilning yanvar-iyun oylarida jami 173 dona traktor ishlab chiqarilgan. Bu ko‘rsatkich o‘tgan yilning mos davriga nisbatan 72,5 foizga kamaygan.

Ishlab chiqarilgan traktorlar soni (yanvar-iyun oylarida):

2019 yil - 602 dona;
2020 yil - 630 dona;
2021 yil - 173 dona.

2021 yilning yanvar-iyun oylarida qishloq xo‘jaligi texnikasi ishlab chiqarish sanoatida jami 383 dona kultivator ishlab chiqarilgan. Bu ko‘rsatkich o‘tgan yilning mos davriga nisbatan 43,1 foizga kamaygan.