09:12 / 03.09.2021
774
Самарқандда Камаз юк машинасида ёнғин содир бўлди

Самарқанд вилояти Каттақўрғон туманида Камаз юк машинасида ёнғин содир бўлган. Бу ҳақда вилоят Фавқулодда вазиятлар бошқармаси хабар бермоқда.

Маълум қилинишича, 2021 йил 2 сентябрь куни соат 13:00ларда М37 Самарқанд-Бухоро-Туркманбоши халқаро автомобиль йўлининг Каттақўрғон тумани ҳудудидан ўтган 77-километрида Камаз русумли транспорт воситасида ёнғин содир бўлган.

Қайд этилишича, ёнғин ФВБ ёнғин ўчириш ходимлари томонидан зудлик билан бартараф қилинган. Ёнғин оқибатида ҳеч ким тан жароҳати олмаган ва ҳалок бўлмаган. Фақат транспорт воситасининг кабина қисмига моддий зарар етказилган.

Таъкидланишича, ҳозирда ҳодиса юзасидан терговга қадар текширув ишлари олиб борилмоқда.

Top