Qashqadaryo viloyati Shahrisabz tumanida Damas mashinasi yonib ketgan. Bu haqda viloyat Favqulodda vaziyatlar boshqarmasi xabar bermoqda.
Ma'lum qilinishicha, joriy yil 29 sentabr kuni soat 22:00larda Shahrisabz tumani Favqulodda vaziyatlar bo‘limiga M39 Almati-Toshkent-Termiz xalqaro avtomobil yo‘lining Shahrisabz tumani Xontepa mahallasi hududidan o‘tuvchi 1176-kilometrida Damas mashinasi yonayotgani haqida xabar kelib tushgan.
Shundan so‘ng soat 22:12larda voqea joyiga Shahrisabz shahar FVB 4-Yong‘in qutqaruv qismidan bitta bo‘linma yetib borgan. Yong‘in soat 22:19larda to‘liq o‘chirilgan.
Qayd etilishicha, yong‘in oqibatida, Damas mashinasi to‘liq yonib ketgan. Hodisada hech kim jarohat olmagan va vafot etmagan. Hozirda yong‘in sabablari va o‘rganilmoqda.
