Yaponiyaning yangi bosh vaziri Kim Chen In bilan shaxsan uchrashishga tayyorligini bildirdi
Tokio Pxenyandan KXDR maxsus xizmatlari tomonidan o‘g‘irlab ketilgan yapon fuqarolari muammosini hal qilishni talab qilmoqda.
Yaponiyaning yangi bosh vaziri Fumio Kisida o‘g‘irlab ketilgan yapon fuqarolari muammosini hal qilish uchun KXDR rahbari Kim Chen In bilan uchrashishga tayyor. U bu haqda Tokioda bo‘lib o‘tgan matbuot anjumanida ma'lum qildi.
“O‘g‘irlab ketilgan fuqarolar muammosi biz uchun juda muhim hisoblanadi. Biz barcha o‘g‘irlab ketilgan fuqarolar zudlik bilan qaytarilishini talab qilamiz. Men Kim Chen In bilan dastlabki shartlarsiz shaxsan uchrashishga tayyorman”, – dedi u.
Tokio Pxenyandan KXDR maxsus xizmatlari tomonidan o‘g‘irlab ketilgan yapon fuqarolari muammosini hal qilishni talab qilmoqda.
Pxenyan ilk bor 2002 yilda Yaponiyaning 13 nafar fuqarosi o‘g‘irlab ketilganini tan olgan va ularning besh nafarini qaytargandi. Qolgan fuqarolar esa vafot etgan deb e'lon qilingan, marhumlarning qarindoshlariga jasadlar qoldiqlari jo‘natilgan, ularning kimligini isbotlashning imkoni bo‘lmagandi.
Dushanba kuni Yaponiya parlamentining har ikki palatasi ko‘pchilik ovoz bilan Fumio Kisidani bosh vazirlikka tasdiqladi. U mamlakatning 100-bosh vaziri bo‘ldi.
Mavzuga oid
12:50 / 12.10.2024
Rossiya TIV Yaponiyaga AQSh bilan qo‘shma mashg‘ulotlar tufayli norozilik bildirdi
21:18 / 11.10.2024
Janubiy Koreya yetti yil ichida ilk bor Taurus raketalaridan foydalangan holda mashg‘ulot o‘tkazdi
18:21 / 11.10.2024
Ukrainada KXDR askarlari jang qilyaptimi - va ular Rossiya armiyasiga qanday yordam bera oladi?
20:32 / 09.10.2024