08:06 / 05.10.2021
2153
Бензин импорти 3,2 баробарга ошди

Август ойида 7 млн литр автомобил бензини импорт қилинди. Бу ҳақда Давлат статистика қўмитаси маълумот берди.

Фото: Stock

Қўмита хабарига кўра, 2021 йилнинг январь-август ойларида Ўзбекистонга қиймати 100 млн АҚШ долларига тенг бўлган 281,6 млн литр автомобил бензини импорт қилинган. 

Автомобил бензини импорти ўтган йилнинг мос даврига нисбатан 3,2 баробарга ошган.

Ўзбекистон автомобил бензинини импорт қилган асосий давлатлар қуйидагича: 

  • Россия – 139 млн литр; 
  • Туркманистон – 121 млн литр;    
  • Қозоғистон – 16 млн литр; 
  • Ироқ – 3,6 млн литр.  

8 ойда қарийб 730 минг тонна автомобил бензини ишлаб чиқарилган.

Йил бошидан бери бензин ишлаб чиқариш ва импорт ҳажми ортишига қарамай нархлар 26,9 фоизга қимматлашган.

Top