08:07 / 06.10.2021
4086
Тошкентда бир қатор автобусларнинг йўналиши ўзгарди 
Фото: Kun.uz

“Тошкент-Чирчиқ-Хўжакент” тезюрар электр поездлар ҳаракатини ташкил этиш мақсадида, Паркент кўчасидан КҲАЙга ўтиш қисмида қурилиш-монтаж ишлари олиб борилади. Бу ҳақда “Тошшаҳартрансхизмат” матбуот хизмати хабар қилди.

Қайд этилишича, шу сабабли автотранспорт воситаларининг ҳаракати вақтинчалик чекланди. 2021 йил 5 октябрь кунидан бошлаб, 58, 88, 89, 95-сонли автобус йўналишлари қуйидаги кўчалардан ҳаракатини давом эттиради:

58-сонли автобус йўналиши -  Мустақиллик шоҳкўчасидан Оққўрғон, Катта Дархон кўчалари орқали “Экскаватор заводи” сўнгги бекатигача икки тарафлама; 

88-сонли автобус йўналиши Паркент кўчасидан Мустақиллик шоҳкўчаси, Оққўрғон кўчалари орқали ва кейинги ҳаракатини ўз йўналишини давом эттирган ҳолда;

89- ва 95-сонли автобус йўналишлари - шаҳар томон ҳаракатлари Паркент кўчасидан Мустақиллик шоҳкўчаси, Оққўрғон кўчалари орқали Оққўрғон - Катта Дархон кўчалари кесишган жойдан орқага бурилиб олиб, ўз йўналишини давом эттирган ҳолда (қайтишда ўз йўналишини ўзгартирмаган ҳолда).

Top