Amerikaning xodimlarsiz roborestoran startapi 3 million dollar jalb qildi

Raundda Metaplanet investkompaniyasi, Y Combinator akseleratori va xususiy investorlar - robototexnik Piter Abbel, restorator Zaid Ayub ishtirok etdi.

Mezli kompaniyasi butunlay avtonom modul restoranlar yaratadi. Startapga Stenford universiteti muhandislari Aleks Kolchinski, Aleks Gryubele va Maks Perham tomonidan asos solingan.

Jamoa odatiy qahvaxona va restoranlar bilan taqqoslaganda sifatli taomlarni arzonroq narxda taklif etishi mumkin bo‘lgan tizimni ishlab chiqishni istadi.

“Burrito bir tarelkasining tannarxi 3 dollar, biroq ish haqi, soliq va boshqa xarajatlar tufayli uning qahvaxonadagi narxi 10 dollar”, deydi Aleks Kolchinski. Bosh oshpaz Erik Minnix bilan birgalikda muhandislar avtonom restoran ishlab chiqdi.

Hozirda Mezli restorani prototipi Kaliforniyadagi KitchenTown kompaniyasi ofisida faoliyat yuritmoqda. Restoran taxminan 18 m.kv joy egallagan. Bu masalliqlar bilan to‘ldirilgan alohida bloklardan iborat.

Restoran O‘rta Yer dengizi usulidagi idishlar, shuningdek, garnir va ichimliklar taklif etadi. Taomlar narxi 4,99 dollardan boshlanadi. Foydalanuvchilar buyurtmani onlayn yoki restoran tablosida rasmiylashtirishlari, undan keyin esa “aqlli” shkafdan yegulikni olishlari yoki yetkazib berishni rasmiylashtirishlari mumkin.

Kompaniya qo‘lga kiritilgan mablag‘ni 2022 yilda restoranning uchinchi versiyasini ishga tushirish uchun yo‘naltiradi. Bundan tashqari, kelajakda kompaniya modul restoranlarni 3D printerda chop etishni rejalashtirmoqda. Bu esa ularni odatdagi restoranlarga qaraganda tezroq ishga tushirish imkonini beradi.