Roman Abramovichning samolyoti sotuvga qo‘yildi

Rossiyalik milliarder Roman Abramovichning Boeing 767-300ER yo‘lovchi samolyoti sotuvga qo‘yildi, deb xabar berdi Forbes o‘z manbalariga tayanib.

Havo kemasini sotish bilan Global Jet Monaco SAM operatori shug‘ullanmoqda. Nashr manbalarining so‘zlariga ko‘ra, uning taxminiy narxi 100 mln dollarni tashkil etadi.

34 nafargacha yo‘lovchini sig‘dira oladigan Boeing 767-300ER samolyoti 2003 yilda ishlab chiqarilgan va 2007 yildan foydalanila boshlangan. U o‘shanda 315 mln dollarga sotib olingan. Layner o‘quv zali, uchta yotoqxona, oshxona va mehmonxona bilan jihozlangan. Samolyotning parvoz masofasi 11,3 ming kilometrni tashkil etadi.