Qashqadaryo viloyati Muborak tumanida Nexia mashinasi teplovoz bilan to‘qnashgan. Bu haqda IIV YHXBB xabar bermoqda.
Ma'lum qilinishicha, joriy yil 8 noyabr kuni soat 7:00 larda davlat ahamiyatiga ega bo‘lgan 4R-96 avtomobil yo‘lining Muborak tumani, «Sariq» MFY hududidan o‘tuvchi qismida temir yo‘l bilan kesishmada Nexia mashinasi ishtirokida yo‘l-transport hodisasi sodir etilgan.
307-sonli temir yo‘lida 1988 yilda tug‘ilgan haydovchi,S.R. boshqaruvidagi Nexia mashinasi bilan TEM2-784 raqamli teplovoz o‘zaro to‘qnashuv sodir etgan. Hodisada hech kim tan jarohati olmagan.
Qayd etilishicha, mazkur hodisa yuzasidan Qarshi gornizoni xarbiy avtonazorat inspeksiyasi tomonidan surishtiruv olib borilmoqda.
Qashqadaryoda «Lacetti» yuk tashuvchi teplovoz bilan to‘qnashdi. Haydovchi vafot etdi
Surxondaryoda «ZIL» yuk mashinasi teplovoz bilan to‘qnashdi. Haydovchi vafot etdi
