10:31 / 10.11.2021
17366
Тошкентдаги ҳарбий шаҳарча сотувга қўйилди

Давлат активларини бошқариш агентлиги Тошкент шаҳридаги йирик кўчмас мулкни кимошди савдосига қўйди. E-auksion сайтида тегишли маълумот пайдо бўлган.

Фото: E-auksion

Тошкент шаҳрининг Чилонзор туманидаги Тирсакобод кўчаси, 60-сон ҳарбий шаҳарча сотувга қўйилди. Вазирлар Маҳкамасининг 2021 йил 26 августдаги тегишли қарори объектни хусусийлаштириш учун асос экани айтилган.

Объект 1940 йилда қурилган бўлиб, ер участкасининг эгаллаган умумий майдони - 27,86 га, бинолар ва иншоотларнинг эгаллаган умумий майдони - 29,8 минг кв.м.

Объектнинг бошланғич баҳоси – 204,9 млрд.сўм. Аризалар 11 декабрга қадар қабул қилинади, аукцион 13 декабрь куни бўлиб ўтади.

Top