Bolgariyada prezident va parlament saylovlari o‘tmoqda

14 noyabrda Bolgariyada prezident va parlament - Xalq yig‘iniga muddatdan oldin saylovlar bo‘lib o‘tmoqda. Shu munosabat bilan soat 7dan butun mamlakat bo‘ylab 13 mingga yaqin saylov uchastkasi o‘z ishini boshlagan va soat 20 gacha ochiq qoladi. E'tiborlisi, prezident lavozimiga 23 nomzod da'vogarlik qilmoqda.

Mamlakatda 6,7 mln kishi ovoz berish huquqiga ega. Biroq ekspertlarning fikricha, saylovlarda aholining 50 foizdan kamrog‘i ishtirok etadi.

Parlament saylovlarida 20 ta partiya va 7 ta koalitsiya ishtirok etmoqda, 240 deputatlik o‘rniga 5 mingdan ko‘proq nomzod da'vogarlik qilmoqda. Aholi orasida “Bolgariyaning yevropacha rivojlanishi uchun fuqarolar” partiyasi va Demokratik kuchlari ittifoqi koalitsiyasi katta qo‘llab-quvvatlovga ega. 

Pandemiya sharoitida o‘tayotgan saylovlar taqdiri ko‘p jihatdan ovoz beruvchilarning ishtirokiga bog‘liq bo‘ladi. Agar ovoz berishda saylovchilarning 50 foizdan ko‘prog‘i ishtirok etsa, unda ikkinchi muddatga da'vogarlik qilayotgan amaldagi prezident Rumen Radev 1-bosqichdayoq g‘alaba qozonishi mumkin. Biroq 21 noyabrda saylovlarning 2-bosqichi o‘tishi ehtimoli yuqoriroq deb baholanmoqda.

Saylovlar borishini 4 mingga yaqin kuzatuvchi nazorat qiladi. Dastlabki natijalar saylov uchastkalari yopilishi bilanoq paydo bo‘lishi kutilmoqda.