Samarqandda Nexia va Damas ishtirokida YTH sodir bo‘ldi

Samarqand viloyati Bulung‘ur tumanida Nexia va Damas ishtirokida yo‘l-transport hodisasi sodir bo‘lgan. Oqibatda Damas ag‘darilib ketgan. Bu haqda viloyat IIB axborot xizmati xabar bermoqda.

Ma'lum qilinishicha, bugun 2021 yil 14 noyabr kuni soat 6:25 larda davlat ahamiyatiga ega bo‘lgan 4R-47 avtomobil yo‘lining Bulung‘ur tumani hudududan o‘tuvchi 9-kilometrida Nexia va Damas mashinalari yo‘l-transport hodisasi sodir bo‘lgan.

Oqibatda Nexia haydovchisi tan jarohatlari olib tibbiyot birlashmasiga murojaat qilgan. Shuningdek, Damas mashinasi ag‘darilib ketgan.

Qayd etilishicha, hozirda hodisa yuzasidan Bulung‘ur tumani IIB YHXB xodimlari tomonidan surishtiruv ishlari olib borilmoqda.