Noyabr oyida pomidor narxi 54 foizga oshdi

Pomidor narxlari bir oyda o‘rtacha 54 foizga qimmatlashdi. Bu haqda Statistika qo‘mitasi xabar berdi.

Foto: Kun.uz

Davlat statistika qo‘mitasining iste'mol narxlari kuzatuvi ma'lumotlariga ko‘ra, noyabr oyida pomidor narxlari oktyabr oyiga nisbatan o‘rtacha 54 foizga qimmatlashgan.

Shu bilan birga, pomidor narxlari yil boshidan buyon o‘rtacha 0,1 foizga arzonlashgani kuzatilgan.

Avvalroq, O‘zbekiston Erondan kartoshka va meva-sabzavot importini keskin oshirgani xabar berilgandi.

2021 yilning birinchi uch choragida Eron O‘zbekistonga 30,3 million dollarlik meva-sabzavot mahsulotlari yetkazib berdi. 2020 yilning shu davridagi ko‘rsatkich esa 5,4 million dollarni tashkil qilgan.