Noyabr oyida 76 ta elektromobil import qilindi. Bu haqda Davlat statistika qo‘mitasi ma’lumot berdi.
Foto: panthermedia/vostock-photo
Qo‘mita xabariga ko‘ra, 2021 yilning noyabr oyida O‘zbekistonga xorijdan 76 ta elektromobil import qilingan.
Qayd etilishicha, 2021 yilning noyabr oyida import qilingan elektromobillar soni oktabr oyiga nisbatan 21 taga oshgan.
O‘zbekistonda noyabr oyidagi elektromobillar xaridi uchun 1,8 mln AQSh dollari sarflangan.
Avvalroq, O‘zbekistonda elektromobil importi 7 baravarga oshgani xabar qilingandi.
