Respublika «GAI» rahbari, Huquqbuzarliklar profilaktikasi bosh boshqarmasi boshlig‘i, uning birinchi o‘rinbosari va PPX rahbari o‘rinbosari Jamoat xavfsizligi departamenti boshlig‘iga o‘rinbosar etib tayinlandi.
Ichki ishlar vazirining shaxsiy tarkib bo‘yicha buyrug‘i bilan lavozim tayinlovlari amalga oshirildi.
Polkovnik Olim Choriqulovich Saidov IIV Jamoat xavfsizligi departamenti boshlig‘i o‘rinbosari – yo‘l harakati xavfsizligi xizmati boshlig‘i lavozimiga tayinlandi.
Olim Saidov 2019 yil noyabridan buyon IIV Yo‘l harakati xavfsizligi bosh boshqarmasi boshlig‘i lavozimida faoliyat yuritib kelayotgandi.
Polkovnik Baxtiyor Erkinovich Berdialiyev IIV Jamoat xavfsizligi departamenti boshlig‘i o‘rinbosari – huquqbuzarliklar profilaktikasi xizmati boshlig‘i lavozimiga tayinlandi.
Baxtiyor Berdialiyev 2019 yil noyabridan buyon IIV Huquqbuzarliklar profilaktikasi bosh boshqarmasi boshlig‘i edi.
Podpolkovnik Davron Abdug‘aniyevich Azizov IIV Jamoat xavfsizligi departamenti boshlig‘i o‘rinbosari – jamoat tartibini saqlash xizmati boshlig‘i vazifasini bajaruvchisi etib tayinlandi.
Davron Azizov 2019 yil yozidan buyon IIV Huquqbuzarliklar profilaktikasi xizmati boshlig‘i o‘rinbosari-huquqbuzarliklar profilaktikasi faoliyatini tashkil etish boshqarmasi boshlig‘i lavozimida faoliyat yuritgan.
Polkovnik Amanbay Tleubayevich Orinbayev IIV Probatsiya xizmati boshlig‘i lavozimiga tayinlandi.
Orinbayev 2020 yil fevralidan buyon IIV Jamoat tartibini saqlash xizmati boshlig‘ining birinchi o‘rinbosari bo‘lgan.
- Eslatib o‘tamiz, 2021 yil 30 noyabrda O‘zbekiston prezidentining «O‘zbekiston Respublikasi jamoat xavfsizligi konsepsiyasini tasdiqlash va uni amalga oshirish chora-tadbirlari to‘g‘risida»gi farmoni imzolanib, Jamoat xavfsizligi departamentining vazifalari belgilangandi.
- Ma’lumot uchun, 2021 yil aprelidan buyon polkovnik Bekmurod Abdullayev Jamoat xavfsizligi departamentiga rahbar hisoblanadi.
