Avtotransport vositalarining soni kundan kunga oshishi, fuqarolardan hududiy YHXB RO‘ va IOB (TRO‘ va IOB) bo‘linmalarida ariza yozdirish va to‘lovlar uchun kassada kutish holatlari ko‘payishiga va ba’zan bu navbatlar soatlargacha cho‘zilishigacha olib kelmoqda.
Ushbu muammolarni bartaraf etish maqsadida E-RIB.UZ platformasi ishlab chiqildi. Tizim fuqarolarga quyidagi qulayliklarni yaratadi:
- Arizalarni o‘zi mustaqil istalgan joyda, istalgan qurilma (kompyuter, noutbuk yoki telefon) yordamida yozish;
- To‘lovlarni Uzcard yoki Humo bank kartalari yordamida platformaning o‘zidan onlayn to‘lash;
- Texnik ko‘rik markazlari manzillari haqida ma’lumot olish;
- Avtotransport vositasini ro‘yxatga olish bo‘yicha huquqiy maslahatlar olish
Bundan tashqari dastur tomonidan yordam xizmati guruhlari tashkil etilgan bo‘lib, ushbu guruhlar yordamida fuqaro avtotransport vositasini ro‘yxatlash va qayta ro‘yxatlashga oid barcha savollariga E-RIB.UZ mutaxassislaridan javob oladi. Bunga qadar fuqarolar avtotransport vositalarini ro‘yxatga olishda har bir savol yoki huquqiy yordam uchun YHXB bo‘linmasiga borib, inspektorga murojaat etishi kerak edi. Shundan ham ko‘rinib turibdiki, dastur faqatgina innovatsion yechim bo‘lishi bilan bir qatorda, huquqiy ko‘makchi hamdir! Tabiiyki fuqarolar bundan judayam xursand. E-RIB.UZ xizmatidan foydalangan fuqaro, boshqalarga ham ushbu dasturdan foydalanishni tavsiya etmoqda.
Dastur orqali jismoniy va yuridik shaxslar quyidagi xizmatlardan foydalanishlari mumkin:
- Yangi avtotransport vositasini ro‘yxatga olish
- “Texpasport” almashtirish
- Oldi-sotdi bo‘lgan avtotransport vositasini ro‘yxatga olish
- Hadya yoki meros bo‘lgan avtotransport vositasini ro‘yxatga olish
- Auksion asosida olingan avtotransport vositasini ro‘yxatga olish
- va boshqa turdagi ro‘yxatlash xizmatlari
