Yunusobod tumani Hamkorobod mahallasidan Olmazor tumani Gulzor, Ibrohim ota mahallalaridagi iste’molchilarni bir me’yorda tabiiy gaz bilan ta’minlash maqsadida halqalash uchun yangi qurilgan o‘rta bosimli D-159 mm yer usti gaz quvurini qayta ulash ishlari «Yunusobodtumangaz» gaz ta’minoti bo‘limi tomonidan rejalashtirilgan.
2022 yil 28 yanvar kuni soat 11:00 dan 16:00 gacha Yunusobod tumani Hamkorobod mahallasidagi 200 ta yerli xonadonlarda, 4 ta ulgurji iste’molchilarida, Olmazor tumani Gulzor, Ibrohim ota mahallalaridagi 485 ta aholi xonadonlarida hamda 3 ta ulgurji iste’molchilarida tabiiy gaz ta’minoti vaqtincha to‘xtatiladi.
Bildirilishicha, ta’mirlash ishlari tugatilgandan so‘ng tabiiy gaz ta’minoti qayta tiklanadi.
