«O‘rganish bo‘yicha ishchi guruhga esa Oliy va o‘rta maxsus ta’lim vaziri Abduqodir Toshqulov va Ta’lim sifatini nazorat qilish davlat inspeksiyasi boshlig‘i Ulug‘bek Toshkenboyev rahbarlik qilmoqda.
Oliy ta’lim muassasalaridagi tanqidiy, tahliliy o‘rganishlar 23 ta mezon asosida tashkil qilinadi. Bunda asosiy e’tibor oliy ta’limdagi islohotlar, ilm, fan va ishlab chiqarishdagi integratsiyalar, axborot resurs markazlari faoliyati, moliyaviy, akademik mustaqillik berilgan ta’lim muassasalariga amaliy ko‘mak berish, ilmiy salohiyat, ta’lim jarayonining qay darajada tashkil etilgani, masofaviy ta’lim, kredit-modul tizimi, talabalar turar joylarida yaratilgan shart-sharoitlar, tizimdagi mavjud muammolar va ularni joyida bartaraf etish, korrupsiyaga qarshi kurashish va shaffoflik joriy qilingani kabi mezonlarga qaratiladi», – deyiladi xabarda.
Ta’kidlanishicha, o‘rganishlar yakuni bilan OTMlarda ta’lim sifatini oshirish, ilmiy va innovatsion faoliyatni samarali tashkil etish hamda raqobatbardoshligini oshirish va ta’lim jarayonini sifat jihatidan yangi bosqichga ko‘tarish kabi maqsadlar ko‘zlangan.
