Toshkentda teplovozda yong‘in kelib chiqdi

Toshkent shahri Mirzo Ulug‘bek tumanida 12 fevral kuni teplovozda yong‘in kelib chiqdi. Holat bo‘yicha «O‘zbekiston temir yo‘llari» munosabat bildirdi.

Qayd etilishicha, yong‘in sodir bo‘lgan teplovoz «O‘zbekiston temir yo‘llari»ga qarashli emas.

«Mazkur holat bo‘yicha shuni ta’kidlash mumkinki, ushbu videoda TGM-23 rusumli teplovoz bo‘lib, teplovoz «O‘zbekiston temir yo‘llari» AJ lokomotivlar parkiga tegishli emas. Ushbu teplovoz taxminan poytaxtning Mirzo Ulug‘bek tumani atrofida joylashgan sanoat korxonalaridan biriga tegishli», – deyiladi munosabatda.