«O‘zgidromet» haftalik ob-havo to‘g‘risida ma’lumot berdi

Bugun O‘zbekiston hududi bo‘yicha bahoriy iliq, yog‘ingarchiliksiz ob-havo kutilmoqda. Kunduz kuni harorat 18-21 daraja issiqqacha ko‘tariladi, bu kun me’yoridan 7-9 darajaga yuqoridir.

Foto: Kun.uz

“O‘zgidromet” xabariga ko‘ra, ertadan ish haftasining oxirigacha Kavkazdan bulutli massivlar kirib kelishi kutilmoqda, bunda respublikaning ayrim joylarida vaqti-vaqti bilan yomg‘ir yog‘adi, tog‘larda yomg‘ir qorga aylanishi mumkin.

Havo harorati kechalari asosan 4-9 daraja iliq, kunduz kunlari 13-18 daraja iliq bo‘lishi kutilmoqda, bu iqlimiy me’yordan yuqoridir.

Poytaxtda hafta davomida quruq va iliq ob-havo kutilmoqda, faqat 25 fevral, juma kuni biroz yomg‘ir yog‘ish ehtimoli bor.

Hafta davomida respublikaning tog‘li hududlarida qor ko‘chishi xavfi bor.