Qazib oluvçi «LUKOIL», qayta işlovçi «Şörtanneftgaz»: Birjadan olingan propan noma’lum suyuqlik bölib çiqdi

«Özneftgazinspeksiya» Samarqand hududiy bölimi boşliği Ikrom Maxsumov voqeadan xabardorligini bildirdi. Maxsumov ham propan örniga suvga öxşaş suyuqlik çiqayotganiga guvoh bölgani va bunday vaziyatda ta’minotçi iştirokida bayonnoma rasmiylaştirilişi lozimligini ma’lum qildi.

«Özneftgazinspeksiya» hududiy bölimida bunday vaziyatlarda mahsulot tarkibini aniqlab beruvçi moslama mavjud emas ekan. U şuningdek, maxsus yuk maşinalariga katta bosim bilan töldirilgan mahsulot ustiga qöşimça qandaydir suyuqlik solişning imkoni yöqligini bildirdi.

Inspeksiya rahbari Ikrom Maxsumov ham ta’minotçi korxona bilan telefon orqali boğlana olmadi.

«LUKOIL» mahsulot sifatiga «Şörtanneftgaz» mas’ulligini bildirdi

Kun.uz muxbiri «LUKOIL Overseas Supply and Trading Ltd» şö’ba korxonasi bilan boğlanib, kompaniya mas’ul xodimi Bahodir Turapovdan izoh oldi.

Turapovning tuşuntirişiça, «LUKOIL» kompaniyasi tomonidan qazib olingan mahsulot «Şörtanneftgaz» gazni qayta işlaş zavodida qayta işlanib, propan-butan fraksiyasiga aylantirilib, birja savdolariga qöyilgan. «LUKOIL» kompaniyasi vakili bu kabi murojaatlar birinçi marta bölmayotganini, boşqa xaridorlar ham şunday muammoga duç kelganini qöşimça qildi.

U, şuningdek, ASGQŞ egasi mahsulot sifatiga bildirilgan e’tiroz bilan «LUKOIL» kompaniyasiga rasmiy xat bilan murojaat qilişi, şundan söng ular uşbu xat asosida «Özbekneftgaz» AJga xabar berilişi, mahsulot sifati böyiça tekşiriş ötkazilişini talab qiliş mumkinligini bildirdi.

«Özbekneftgaz» mahsulotni taşuvçi haydovçilardan gumon qilmoqda

Vaziyat böyiça «Özbekneftgaz» aksiyadorlik jamiyatining ham izohini oldik. Jamiyat axborot xizmatining ma’lum qilişiça, «Şörtanneftgaz» zavodidan olib ketilayotgan suyultirilgan gaz uçun laboratoriya va boşqa tegişli mutaxassislar iştirokida sifat blankasi hamda mahsulot pasporti rasmiylaştiriladi.

Uşbu holatda tovarni olib ketayotgan tomon vakillari ham iştirok etadi. «LUKOIL» kompaniyasiga tegişli bölgan mahsulotlar aynan uşbu kompaniya mutaxassislari iştirokida realizatsiya qilingan. Bundan taşqari, «Şörtanneftgaz»ning suyultirilgan gaz quyiş sexiga iste’molçining kirib-çiqayotgan avtotransport vositalari harbiy qöriqçilar hamda tegişli mutaxassislar iştirokida közdan keçirilib, elektron tarozi orqali ölçanib, qayd etilgan.

«Özbekneftgaz» AJning qöşimça qilişiça, mahsulot zavod hududidan olib çiqilgaç, haydovçilar tomonidan suyultirilgan gazning ma’lum qismi yölda talon-taroj qilinib, örniga suv solingan bölişi ehtimoli ham yöq emas.

Xullas, barça tomon masala yuzasidan mas’uliyatni öz zimmasidan soqit qilyapti. Xususan, «Temp-Plastik» MÇJ sifatsiz mahsulot uçun e’tirozini ta’minotçiga bildira olmayapti. «Özneftgazinspeksiya» esa katta bosim ostidagi maşinaga nimadir qöşişning imkoni yöq deb turgan bir paytda, «Özbekneftgaz»ning “haydovçi suv solgan bölişi mumkin” degan da’vosi masalani yanada mavhumlaştirib yubormoqda.

Eşitadigan quloq yöq...

Şunisi aniqki, maxsus yuk maşina jömragidan oqayotgan suyuqlik propan yoki kondensat emas, hidsiz, suyuq mahsulot. Albatta uning har bir kilogrammi uçun pul tölangan. Uni avtomobilga aslo quyib bölmaydi. Çunki u maşina motorini işdan çiqarişi mumkin.

Afsuski, hozirça ASGQŞ yuritayotgan tadbirkorning ovozi ta’minotçi-yu, yetkazib beruvçiga va ularning ustidan respublika böyiça nazorat qiluvçi organ – YuQORIGA yetib bormayapti. Şoxobça esa “gaz”ni na sota oladi, na olgan yeriga qaytarib bera oladi.

Isomiddin Pölatov,
Kun.uz muxbiri.

Tasvirçi va montaj ustasi: Faxriddin Hotamov.