08:36 / 13.05.2022
9155
Тошкентда энг кўп аҳоли истиқомат қилувчи туман маълум қилинди

Тошкент шаҳрида доимий аҳоли сони 2022 йилнинг 1 апрель ҳолатига кўра, 2 миллион 879 минг 800 кишини ташкил этмоқда. 

Фото: Kun.uz

Пойтахт ҳокимлиги хабарига кўра, аҳоли йил бошидан 17,4 минг кишига ёки 100,6 фоизга кўпайган. Шундан, эркаклар сони 1 411 800 кишини, аёллар сони 1 468 000 кишини ташкил этди.

Шаҳар ҳудудлари кесимида 2022 йилнинг 1 апрель ҳолатига кўра, энг кўп аҳоли сони Олмазор туманида бўлиб, 387,7 минг кишини, яъни шаҳар аҳолиси сонидаги улуши 13,5 фоизни ташкил этди. 

Шунингдек, Юнусобод туманидаги аҳоли 360,9 минг киши – 12,5 фоиздан иборат.

Энг кам аҳоли сони Яккасарой туманида – 124,6 минг киши (4,3 фоиз) ва Бектемир туманида – 51,8 минг киши (1,8 фоиз)га тўғри келмоқда.

Бундан олдин Ўзбекистоннинг қанча аҳолиси шаҳарларда яшаши маълум қилинганди.

Top