Qo‘mita xabariga ko‘ra, 2022 yilning 1-choragida O‘zbekiston Respublikasiga kelgan chet el fuqarolarining safar maqsadlari orasida qarindoshlarini yo‘qlash birinchi o‘rinda turibdi — 536,2 ming kishi.
Bundan tashqari, dam olish maqsadida 37,2 ming kishi, xizmat yuzasidan 13,6 ming, davolanish uchun 18,4 ming kishi kelgan.
Shuningdek, tijorat maqsadida 2,9 ming kishi O‘zbekistonga tashrif buyurgan bo‘lsa, o‘qish maqsadida 1,2 ming kishi kirib kelgan.
Bundan oldin O‘zbekistonda so‘nggi 10 yildagi tug‘ilishlar soni ma’lum qilingandi.
