Farg‘onada YPX inspektori tekshiruv vaqtida qochib ketdi. IIB u «o‘zini nosamimiy tutgani»ni bildirdi

Ijtimoiy tarmoqlarda Farg‘ona viloyati Quva tumanida YPX inspektorining pora olgani haqida xabar tarqaldi. Viloyat IIB holat yuzasidan rasmiy axborot bilan chiqdi.

Videodan kadr

Ma’lum qilinishicha, joriy yilning 11 iyun kuni Quva tuman IIBga YPX inspektori I.K.ning xatti-harakatlari yuzasidan fuqarolar S.Z va M.H. tomonidan ariza kelib tushgan.

«Mazkur murojaatda keltirilgan holatlarni o‘rganish jarayonida YPX inspektori I.K. o‘zini nosamimiy tutib ketib yuborgan», deyiladi viloyat IIB xabarida.

Bildirilishicha, holat yuzasidan tegishli tartibda hujjatlar rasmiylashtirilib, prokuratura organlariga taqdim qilingan.

Hozirda tergovga qadar tekshiruv harakatlari olib borilmoqda.