Batumi - sayyohlar maskani. Dengiz böyidagi şahardan reportaj

Batumi kunduzi ortiqça şovqinsiz, birmunça osuda şahar, lekin tunda ham hayot töxtamaydi. Bu yerga dunyoning turli çekkalaridan sayyohlar kelişadi, u yerga yolğiz ham, oilaviy bölib ham boriş mumkin.

Mediatur iştirokçilari beş yulduzli Hilton mehmonxonasiga joylaştirildi. Şaharda Radisson, Sheraton kabi boşqa maşhur mehmonxonalar brendi ham mavjud. 

Beş yulduzli mehmonxonalarda nomer bron qiliş yozgi mavsumda tabiiyki qimmatlaşadi va 200-250 dollargaça çiqadi, lekin bu paytda 30-40 dollarga ham yaxşi joylar topiladi. 

Mehmonxona yoki kvartira qayerda joylaşgan bölmasin, dengizga yaqin böladi, sal uzoqroqqa ketib qolsangiz ham şahar jamoat transporti va taksi xizmati juda yaxşi rivojlangan, narxlar ham arzon - istalgan joyga tezda yetib boriş muammo emas.

Umuman olganda, Batumida mehmonxona, apart-mehmonxona, guest-mehmonxona, kvartiralar topişda Airbnb yoki Bookinğdan foydalaniş mumkin.

Milliy taomlar

Gruziya oşxonasida pişloqdan keng foydalaniladi, bu yerda hatto pişloqli şörva ham qilişadi. Eng maşhur mahalliy taom - xaçapurining köplab turlari bor (ajarça, megrelça, imeretinça, lobiani, kubdari va boşqalar) va ularning barçasida pişloq işlatiladi. Xaçapuri 2019 yilda Gruziya madaniy merosi yodgorligi maqomini olgan.

Gruzinlarning suyuq ovqatlarida sabzavotlar deyarli işlatilmaydi, şörvalardan eng maşhuri esa xarço (mol göşti va guruçdan), şuningdek, qöziqorinli çixirtma, mol oyoğidan xaşi, şeçamandi (unda ham pişloq böladi).

Gruziyaga borganda özbek oşxonasiga begona bölmagan çaxoxbili, mantilar onasi - xinkali, buzoq yoki mol göştidan tayyorlanadigan çaşuşuli, çanaxi yoki çakapuli kabi taomlardan ham tatib köriş tavsiya etiladi.

Dengiz, plyaj va eski bulvar

Qora dengiz böyidagi Batumidagi toşli plyaj uzunligi 7 kilometrdan oşadi - u janubda aeroportdan şimolda portga qadar uzangan.

Plyaj tekin. Bu yerda lejaklar 5 lari, soyabon 10 lari. Sohilda köp yomğir yoğadi, lekin bu iliq yomğir bölib, yomğir ostida ham dengizga tuşiş mumkin - dengiz suvi ham iliq.

Şaharda eski port ham maşhur, bu yerda unikal arxitektura yodgorliklarini uçratiş mumkin.

Sohilga parallel joylaşgan bulvar ham bor.

19-asrda paydo bölgan bu bulvar bugungi kunda mahalliy aholi va sayyohlar taşrif buyuradigan va aylanadigan asosiy joyga aylangan.

Bulvarda köplab kafelar, restoranlar va bolalar maydonçalari joylaşgan.

Ekoturizm

Batumida 1912 yilda asos solingan, 108 gektar maydonni egallagan Botanika boği ham mavjud. Bu yerda Şarqiy Osiyo, Şimoliy Amerika, Yangi Zelandiya, Janubiy Amerika, Himolay, Meksika, Avstraliya, Örta Yer dengizining nam iqlim şaroitli sohillari va Kavkazda ösuvçi daraxt va ösimliklar jamlangan. Taşrif buyuruvçilar boğ hududini piyoda yoki boğga kirişda ijaraga beriladigan elektromobillarda sayr qilişlari mumkin.

Maftunkor tabiati tufayli ekoturizm Ajariyaning yetakçi turizm turlaridan hisoblanadi. Mintaqaning ösimlik va hayvonot dunyosi boyligi, şuningdek tarixiy va madaniy yodgorliklar köpligi ekoturizm uçun qulay şaroit hosil qiladi. Ajariyada törtta qöriqlanadigan hudud mavjud: «Mtirala» milliy parki, «Kintrişi» milliy parki, «Maçaxela» milliy parki hamda Kobuleti qöriqxonasi. Bu joylar qalin örmonzorlardan iborat va subtropik ösimliklarga boy.

Madaniy turizm. «Gonio-Apsaros» qal’asi

Ajariya madaniy turizmning turli turlarini taqdim etadi: san’at obidalari, qadimgi arxitektura, haqiqiy gruzin mehmondorçiligi, unikal oşxona va dinamik tungi hayot. Qadimgi zamonlarda paydo bölgan «Xorumi» va «Ajaruli» raqslari gruzin milliy özligini namoyon etadi. Ajarlarning «Gandagana» raqsi Gruziya nomoddiy madaniy merosiga kiritilgan. Ajariya turli diniy yönalişlarga tolerant hudud - bu ölkada masjidga ham, çerkov yoki monastirga ham, sinagogga ham taşrif buyuriş mumkin. Regionda köplab tarixiy va zamonaviy arxitektura binolari mavjud, jumladan «Gonio-Apsaros» va «Petra», rimliklar davrida qurilgan köpriklar.

«Gonio-Apsaros» Batumidan 12 km masofada, Çoroxi daryosining söl sohilida joylaşgan va milodiy 1-asrda rimliklar tomonidan barpo etilgan. Özining strategik joylaşuvi tufayli qal’a Qora dengiz şarqida dastlab rimliklar uçun, keyinroq vizantiyaliklar va usmonli turklar uçun tayanç qal’a vazifasini ötagan. «Gonio-Apsaros» tarixi argonavtlar haqidagi mif bilan ham boğlanadi. Afsonaga köra, şoh Aet bu yerga Yason tomonidan öldirilgan öğli Apsarosni dafn etgan.

Nima bölganda ham bir marta Batumiga boring, keyin u sizni öziga qayta va qayta çorlayveradi. Batumiga boring va Yevropaning şarqiy çekkasidagi «Qora dengiz javohiri» haqida boşqalarga ham sözlab bering.