O‘zbekistonda 2 nafar bolali oilalar soni eng ko‘p ulushni tashkil etadi

Qo‘mita uy xo‘jaliklari tanlama kuzatuvlari ma’lumotlariga asosan 2022 yilning yanvar-may holatiga 16 yoshgacha bolalari mavjud bo‘lgan uy xo‘jaliklari 75,3 foizni tashkil etdi. 

Shundan:

• bir bolalilar - 23,3 foiz;
• ikki bolalilar - 26,3 foiz;
• uch bolalilar - 18,3 foiz;
• to‘rt va undan ko‘p bolalilar 7,4 foiz. 

Kuzatuv natijalariga ko‘ra, 24,7 foiz uy xo‘jaliklarida 16 yoshgacha bo‘lgan bolalar mavjud emas.

Bundan oldin O‘zbekistonda aholining 71 foizi jismoniy mashg‘ulotlar bilan shug‘ullanishi ma’lum qilingandi.